कोरोनाच्या केसेस सध्या वाढत आहेत. त्यादरम्यान एका मेलचा स्क्रीनशॉट सध्या व्हायरल होत आहे. एका बॉसने (Boss) आपल्या टीमला पाठवलेला हा मेल आहे. टीममधील एका महिला सहकारी मास्क(Mask न घातलेल्या लोकांना घाबरते, त्यामुळे ऑफिसच्या (Office) झूम मिटिंग दरम्यान मास्क घालावा, असे आदेश देण्यात आले आहेत.

हा मेल बघून लोक वैतागले आहेत. ही कोणती कंपनी आहे हे लोकांना जाणून घ्यायचे आहे. त्यांनी नाराजी व्यक्त केली आहे. कोरोनाच्या नावाखाली कंपनी कर्मचाऱ्यांवर जबरदस्ती करत असल्याचे त्यांनी म्हटले आहे. लोकं ‘#COVIDIOTS या हॅशटॅगने या इमेलचा स्क्रीनशॉट शेअर करत आहेत. एका फेसबुक युझरने हा मुर्खपणा असल्याचे म्हटले आहे.

गमतीची पोस्ट

सोशल मीडियावर व्हायरल झालेला हा मेल काल्पनिक आहे. इमेल zactokz टिकटॉक युझरने तो तयार केला आहे. पूर्ण पोस्ट वाचल्यावर लोकांना यातली मजा लक्षात आली. टिकटॉक अकाऊंटच्या बायो सेक्शनमध्ये त्यात टाकलेले सर्व व्हिडिओ व्यंगात्मक आहेत, हे स्पष्टपणे लिहिले आहे. त्याने याविषयी तीन व्हिडिओ पोस्ट केले आहेत. पहिला व्हिडिओ त्याने ३१ डिसेंबर २०२१ ला शेअर केला. त्यावेळी बॉसने कसा मास्क घालणे बंधनकारक केले आहे ते सांगितले. त्यानंतर व्हिडिओत मार्ग काढण्याविषयी चर्चा झाली. तिसऱ्या व्हिडिओत मास्क घालावा लागणारे हे स्पष्ट झाले. पण, लोकांना नंतर यातली मजा लक्षात आली. हा व्हिडिओ मग अनेक लोकांनी मोठ्या प्रमाणात शेअर केला.