Crime: लखनऊ मधून एक धक्कादायक बातमी समोर आली आहे. ती म्हणजे एका २३ वर्षीय मुलीचा एका पार्टी दरम्यान गोळी लागून मृत्यू झाला आहे.निष्ठा त्रिपाठी असे मृत तरुणीचे नाव असून ती बी.बी.डी.कॉलेजमध्ये शिक्षण घेत होती.

चिन्हाट पोलिस ठाण्याच्या हद्दीतील लखनऊमधील दयाल रेसिडेन्सी तेथे ही घटना घडली आहे. विद्यार्थिनीच्या छातीत आणि खांद्यावर बंदुकीची गोळी लागली आहे. गोळी लगल्याने ही गंभीर जखमी झाली होती. नंतर तिला लोहिया रुग्णालयात नेण्यात आले, मात्र डॉक्टर तिला वाचवू शकले नाहीत.

कुटुंबीयांनी खुनाचा आरोप करत मुलाविरोधात औपचारिक तक्रार दाखल केली आहे.पोलिसांनी मुख्य आरोपी आदित्य पाठक याला ताब्यात घेतले आहे. या घटनेप्रकरणी कलम 302 अन्वये गुन्हा दाखल करण्यात आला आहे. दयाल रेसिडेन्सीमध्ये रात्री पार्टी सुरु होती. यावेळी हा गोळीबार झाला अशी माहिती मिळत आहे