जन्मदात्या आईने भावाने मुलीला जाळून ठार मारण्याचा प्रयत्न झाल्याची धक्कादायक घटना समोर आली आहे. एक मुलगी लग्नाआधी गरोदर राहिल्यानंतर तिच्या भावाने आणि आईने तिच्यावर पेट्रोल टाकून तिला जिवंत जाळण्याचा प्रयत्न केल्याचा धक्कादायक प्रकार समोर आला आहे. या घटनेत मुलगी 70 टक्के भाजली. तिला गंभीर अवस्थेत रुग्णालयात दाखल करण्यात आले असून, त्यांची प्रकृती चिंताजनक असल्याची माहिती समोर आली आहे.

ही संपूर्ण घटना बहादुरगड पोलीस स्टेशनच्या परिसरात घडली आहे. एका 23 वर्षीय तरुणीचे तिच्या गावातील एका तरुणासोबत संबंध होते. दरम्यान, मुलगी गरोदर राहिली. घरच्यांना हा प्रकार कळताच ते संतापले. जेव्हा त्यांनी तिची चाचणी केली तेव्हा गर्भधारणेची बातमी खरी ठरली. त्यानंतर कुटुंबीयांनी मुलीला जंगलात नेले आणि जिवंत जाळण्याच्या उद्देशाने तिच्या पेट्रोल टाकले आणि पेटवून दिले.

या घटनेत मुलीची आई आणि भावाचा हात असल्याचा आरोप आहे. त्यांनी मुलीवर पेट्रोल शिंपडून तिला पेटवून दिले. त्यामुळे ती 70 टक्के भाजली आहे. पोलिसांनी घटनास्थळ गाठून आगीत गंभीररीत्या भाजलेल्या मुलीला रुग्णालयात दाखल केले आहे.

आई आणि भाऊ दोघांना अटक

मुलीची प्रकृती गंभीर आहे. तिच्यावर सध्या उपचार सुरू आहेत. तिची प्रकृती अजूनही चिंताजनक आहे. सध्या या घटनेनंतर पोलिसांनी आरोपी आई आणि भावाला ताब्यात घेतले आहे. या प्रकरणाचा तपास सुरू आहे. आरोपीविरुद्ध कलम 307 (हत्येचा प्रयत्न) गुन्हा दाखल करण्यात आला आहे.

हापूरचे अतिरिक्त पोलिस अधीक्षक राजकुमार अग्रवाल म्हणाले - बहादूरगड पोलिस स्टेशन हद्दीतील नवादा खुर्द गावात एका मुलीला तिच्या कुटुंबीयांनी जाळून मारण्याचा प्रयत्न केला आहे. माहिती मिळताच पोलिसांनी तात्काळ घटनास्थळी पोहचून पीडितेला उपचारासाठी रुग्णालयात दाखल केले, संबधित घटनेची कायदेशीर कारवाई केली जात आहे.

स्थानिकांनी दिलेल्या माहितीनुसार ही घटना गुरुवारी घडली. आई आणि भावाने मिळून मुलीला जिवंत जाळले. याआधी तिला जबर मारहाण केली. त्यानंतर तिच्यावर पेट्रोल टाकून पेटवून दिले. मुलीचा आरडाओरडा ऐकू आल्यानंतर ग्रामस्थांनी पोलिसांना या घटनेची माहिती दिली आहे. पोलिस आधिक तपास करत आहेत.