दिल्ली : देशभरातील नागरिकांसाठी पॅन कार्ड हे आधार कार्डशी लिंक करणे बंधनकारक करण्यात आलं आहे. त्यासाठी ३० जून ही अंतिम तारीख देण्यात आली होती. देशातील कोरोनाची परिस्थिती लक्षात घेता पॅन कार्ड (Permanent Account Number) तुमच्या आधार कार्डशी (Aadhaar Card) लिंक करण्याची अंतिम तारीख सरकारकडून 3 महिन्यांनी वाढवण्यात आली असून आता पॅन कार्ड आधारशी लिंक करण्यासाठी 30 सप्टेंबरपर्यंतची मुदत देण्यात आली आहे.

ज्या लोकांनी आधीच त्यांचे पॅन आणि आधार लिंक केले आहे त्यांना कसलीही अडचण येणार नाही मात्र जर एखाद्याचे पॅन आधार लिंक करणे बाकी असेल तर मात्र त्यांना अडचणीचा सामना करावा लागू शकतो. केंद्र सरकारने मनी लाँड्रिंग (पीएमएलए) कायद्याअंतर्गत बँक खातं, पॅन कार्ड आणि आधार कार्ड लिंक करणं अनिवार्य केलं आहे. जे लोकं हे काम पूर्ण करणार नाही त्यांचे पॅन कार्ड व्यवहारांसाठी स्विकारले जाणार नाही.

(deadline-for-pan-card-link-with-aadhar-card-extend-till-30th-sept)