नवी दिल्ली : Land For Job Scam: राऊस अ‍ॅव्हेन्यू कोर्टाने लँड फॉर जॉब प्रकरणात दाखल केलेल्या आरोपपत्राची दखल घेतली आहे. या प्रकरणी बिहारचे उपमुख्यमंत्री तेजस्वी यादव यांना न्यायालयाने समन्स बजावले आहे. यासोबतच राऊस अ‍ॅव्हेन्यू कोर्टाने माजी रेल्वे मंत्री लालू प्रसाद यादव यांनाही समन्स बजावले आहे.

या प्रकरणात ४ ऑक्टोबर रोजी सर्व आरोपींना न्यायालयात हजर राहण्याचे आदेश देण्यात आले आहेत. याप्रकरणी तेजस्वी यादव, लालू यादव, राबडी देवी यांच्यासह १७ आरोपींना राऊस अॅव्हेन्यू कोर्टाने समन्स बजावले आहेत.

या आरोपपत्रात सीबीआयने पहिल्यांदाच बिहारचे उपमुख्यमंत्री तेजस्वी यादव यांना आरोपी बनवले आहे. त्यात लालू यादव, राबडी देवी यांच्यासह 16 जणांची नावे आहेत. ज्यामध्ये रेल्वे अधिकारी आणि नोकरी घेणाऱ्यांचीही नावे आहेत.