नवी दिल्लीः मागच्या वर्षी १० नोव्हेंबर २०२३ रोजी जन्मलेला एक मुलगा आता चक्क अब्जाधीश झाला आहे. बाळाचं नाव आहे एकाग्रह रोहन मुर्ती. वेगवेगळ्या मीडिया रिपोर्ट्सनुसार एकाग्रह हा भारतातला सगळ्यात कमी वयाचा अब्जाधीश ठरला आहे.
एकाग्रहच्या आजोबांनी त्यांच्या कंपनीतील आपल्या वाट्याचे काही शेअर ट्रान्स्फर केले आहेत. एकाग्रहच्या आजोबांचं नाव नारायण मूर्ती आहे. इन्फोसिस कंपनीचे फाऊंडर नारायण मूर्ती यांनी आपल्या नातवाला कंपनीचे २४० कोटी रुपये रुपये किंमतीचे शेअर्स गिफ्ट केले आहेत.
एकाग्रह रोहन मूर्ती या बाळाकडे आता इन्फोसिसचे १५ लाख शेअर्स आहेत. हे शेअर्स कंपनीच्या एकूण शेअर्सच्या ०.०४ टक्के इतके आहेत. एका एक्स्चेंज फाईलिंगच्या माध्यमातून ही माहिती पुढे आलेली आहे. या ट्रान्स्फर केलेल्या शेअर्सनंतर नारायण मूर्ती यांच्याजवळ कंपनीच्या एकूण शेअर्सपैकी ०.३६ टक्के शेअर्स शिल्लक आहेत. म्हणजेच १.५१ कोटी शेअर्स शिल्लक आहेत.
इन्फोसिस कंपनीची सुरुवात १९८१ मध्ये २५० डॉलरने झाली होती. आज ही कंपनी भारतातल्या अग्रगण्य कंपन्यांपैकी एक आहे. कंपनीने कार्पोरेट गव्हर्नंन्स आणि संपत्ती निर्मितीचं लोकशाहीकरण करण्यासाठी मोठं काम केलं. सुधा मूर्ती यांनीही कंपनीला मोठं करण्यात योगदान दिलं. नारायण मूर्तींनी नातवाच्या नावावर शेअर ट्रान्स्फर केल्याने आश्चर्य व्यक्त होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.