मुंबई - पाटणा आणि बंगळुरू येथे झालेल्या दोन बैठकांनंतर विरोधी पक्षांनी स्थापन केलेल्या 'इंडिया' (इंडियन नॅशनल डेव्हलपमेंट इन्क्लुझिव्ह अलायंस) आघाडीची पुढील बैठक मुंबईत होणार याची घोषणा आधीच करण्यात आली होती. आता या बैठकीची तयारी सुरू झाली आहे. या बैठकीची तारीख निश्चित झाल्याचं सांगण्यात येत आहे. (Latest Marathi News)

विरोधकांच्या बंगळुरू येथील बैठकीत आघाडीला इंडिया नाव देण्यात आलं आहे. तसेच मुंबईच्या बैठकीत या आघाडीचा चेहरा आणि आघाडीची समन्वय समिती निश्चित होण्याचा अंदाज आहे. या बैठकीच्या पार्श्वभूमीवर राष्ट्रवादी काँग्रसचे अध्यक्ष शरद पवार आज दिल्लीहून मुंबईला रवाना होणार आहे. मुंबईत आज संध्याकाळी काँग्रेसनेते बाळासाहेब थोरात आणि प्रदेशाध्यक्ष नाना पटोले शरद पवार यांची भेट घेणार आहे. (Marathi Tajya Batmya)

आगामी बैठकीच्या पार्श्वभूमीवर ही भेट होणार आहे. शरद पवार आणि काँग्रेस नेत्यांच्या भेटीत बैठकीचा आढावा घेण्यात येणार आहे. तसेच महाविकास आघाडीचं भवितव्य काय, याबाबतही चर्चा होण्याची शक्यता आहे. याशिवाय विरोधी पक्षनेतेपदाची चर्चाही होऊ शकते. इंडियाची बैठक २५ आणि २६ ऑगस्ट रोजी ही बैठक होणार आहे.

ठाकरे गट आणि राष्ट्रवादीचा शरद पवार गट यांच्याकडून संयुक्तरित्या या बैठकीचं आयोजन कऱण्यात येणार आहे. याबाबत एबीपी माझाने वृत्त दिलं आहे. विरोधकांच्या आघाडीत आतापर्यंत २६ राजकीय पक्ष एकत्र आलं आहे.