Jammu And Kashmir Indian Air Force convoy attack:

श्रीनगर : जम्मू-काश्मीरमधील पुंछ जिल्ह्यात भारतीय हवाई दलाच्या वाहन ताफ्यावर दहशतवाद्यांनी हल्ला केला. स्थानिक राष्ट्रीय रायफल्स युनिटने परिसराला घेराव घातला असून परिसरात शोधमोहीम सुरू केली आहे. या हल्ल्यात पाच जवान जखमी झाल्याचे इंग्रजी वृत्तवाहिन्यांनी म्हटले आहे.

शनिवारी संध्याकाळी हवाई दलाच्या जवानांचा ताफा निघाला होता. दोन वाहनांमधून हे जवान जात होते. पुंछ जिल्ह्यातील सूरनकोटमधील सनाई गावाजवळ या ताफ्यावर दहशतवाद्यांनी हल्ला केला. या हल्ल्यात पाच जवान जखमी झाल्याचे 'पीटीआय' या वृत्तसंस्थेने म्हटले आहे.

शाहसीतारजवळील हवाई तळाच्या आत वाहने सुरक्षित करण्यात आली आहेत, अशी माहिती सुरक्षा दलाच्या अधिकाऱ्यांनी दिली आहे.