Manish Sisodia Letter: दिल्लीच्या कथित 'मद्य धोरण घोटाळ्यात' तुरुंगात असलेले दिल्लीचे माजी मंत्री मनीष सिसोदिया यांनी तिहार जेल मधून पत्र लिहीत पंतप्रधान नरेंद्र मोदींवर निशाणा साधला आहे, या पत्रात त्यांनी लिहिले आहे की, पंतप्रधान कमी शिक्षित असणे देशासाठी धोकादायक आहे. मोदींना शिक्षणाचे महत्त्व समजत नाही, त्यांनी गेल्या काही वर्षांत देशभरातील 60,000 शाळा बंद केल्या आहेत.

सिसोदियांनी पत्रात काय म्हटले?

मनीष सिसोदिया यांनी तुरुंगातून देशवासीयांना लिहिलेल्या पत्रात पंतप्रधान मोदींच्या घटनात्मकतेवर गंभीर प्रश्न उपस्थित केले आहेत. त्यांनी आपल्या पत्रात म्हटले आहे की, देशाचे पंतप्रधान कमी शिकलेले असल्याने विविध देशातील राष्ट्राध्यक्ष त्यांना मिठी मारतात आणि कागदपत्रांवर सह्या करायला लावतात कारण पंतप्रधान कमी शिकलेले असल्याने त्यांना समजत नाही.

आज देशातील तरुण महत्त्वाकांक्षी आहे, तो काहीतरी कराण्याची संधी शोधत आहे, त्याला जग जिंकायचे आहे. त्याला विज्ञान आणि तंत्रज्ञान क्षेत्रात काही वेगळं करायच आहेत. आजच्या तरुणांची स्वप्ने पूर्ण करण्याची क्षमता कमी शिकलेल्या पंतप्रधानात आहे का? मागील काही वर्षांत देशभरात 80,000 सरकारी शाळा का बंद करण्यात आल्या? एकीकडे देशाची लोकसंख्या वाढत असताना सरकारी शाळांची संख्याही वाढायला पाहिजे होती.

दिल्लीतील कथित दारु घोटाळाप्रकरणी माजी उपमुख्यमंत्री मनीष सिसोदिया सध्या तिहार तुरुगांत न्यायालयीन कोठडीत आहेत. त्यांनी होळीच्या दिवशी एक ट्विट केल्यानं खळबळ उडाली होती.

सिसोदिया यांनी ८ मार्च रोजी ट्विट केलं होतं की, आत्तापर्यंत ऐकलं होतं की देशात शाळा सुरु होतात तेव्हा तुरुंग बंद होतात. पण आता या लोकांनी तर देशात शाळा सुरु करणाऱ्यांनाच तुरुंगात बंद करणं सुरु केलं आहे. त्यावरून मोठा गदारोळ झाला होता.

यावर भाजप खासदार प्रवेश वर्मा यांनी सिसोदियांच्या ट्विटला उत्तर देताना म्हटलं की, तुरुंगात मनिष सिसोदिया यांच्याकडं फोन आहे का? कारण २६ फेब्रुवारीला सीबीआनं ताब्यात घेतल्यानंतर आत्तापर्यंत सिसोदिया यांनी एकही ट्विट केलं नव्हतं. यानंतर त्यांच्या अधिकृत ट्विटर हँडलवरुन होळीच्या दिवशी संध्याकाळी पहिल्यांदाच ट्विट करण्यात आलं. यामुळं राजकीय गदारोळ माजला.