नवी दिल्लीः उत्तरी काश्मीरच्या बारामुला जिल्ह्यामधील उरीतल्या गोहलान भागात भारतीय सेना आणि संयुक्त सुरक्षा दलांच्या जवानांनी घुसखोरीचे प्रयत्न हाणून पाडले. सूत्रांकडून मिळालेल्या माहितीनुसार सुरक्षा यंत्रणांनी उरीच्या जवळ दोन दहशतवाद्यांचा खात्मा केला. हे दोघेही घुसखोरी करण्याचा प्रयत्न करीत होते.

ठार झालेल्या दहशतवाद्यांच्या बाबतीत अद्याप कोणतीही माहिती मिळालेली नाही. सुरक्षा यंत्रणा याबाबतचा तपास करत आहे. यापूर्वी बुधवारी २१ जून रोजी बालामुला येथील चकमकीत सुरक्षा यंत्रणांनी दोन पाकिस्तानी दहशतवाद्यांचा खात्मा केला होता. ते दोघेही तष्कर-ए-तय्यबाशी जोडलेले होते.

दुसरीकडे, अमरनाथ यात्रेसाठी निमलष्करी दलाच्या 24 अतिरिक्त कंपन्या तैनात करण्यात येणार आहेत. जम्मू जिल्ह्याला यावेळी निमलष्करी दलाच्या 24 अतिरिक्त कंपन्या मिळाल्या आहेत, ज्या गेल्या वर्षीच्या तुलनेत पाच ते सहाने अधिक आहेत.

अमरनाथ यात्रेच्या मार्गावर प्रथमच यात्रेकरूंची थांबण्याची ठिकाणे आणि इतर भागांमध्ये निमलष्करी दल देखील तैनात केले जात आहेत. ज्या ठिकाणी कोणतीही अनुचित घटना घडण्याची शक्यता आहे, अशा ठिकाणी सुरक्षा यंत्रणा तैनात आहेत.