हुबळी : कर्नाटकचे माजी मुख्यमंत्री जगदीश शेट्टर यांनी बंडाचे निशाण फडकवत, आपल्याला तिकीट नाकारल्यास राज्यात भाजपला किमान 20 ते 25 जागांवर पराभवाचा सामना करावा लागेल, असं म्हटलं.
भारतीय जनता पार्टी (भाजप) हायकमांडने शेट्टर यांना हुबली-धारवाड मध्य मतदारसंघातून विधानसभा निवडणुकीसाठीची उमेदवारी मागे घेण्यास सांगितले आहे. भाजपचे ज्येष्ठ नेते शेट्टर यांनी शुक्रवारी रात्री पत्रकारांशी बोलताना सांगितले की, तिकीट देण्याबाबत पक्षाच्या निर्णयाची रविवारपर्यंत वाट पाहणार असून त्यानंतर पुढील निर्णय घेणार आहे.
हुबळी-धारवाड मध्य मतदारसंघासह कर्नाटकातील १२ विधानसभा जागांसाठी भाजपने अद्याप उमेदवारांची यादी जाहीर केलेली नाही. "मी उद्यापर्यंत वाट पाहणार आहे. त्यानंतर माझी पुढील कृती ठरवेन," असे शेट्टर यांनी सांगितले.
पक्षाच्या वरिष्ठ नेत्यांना अशाप्रकारे वागळण्याचा भाजपवर काय परिणाम होईल, असे विचारले असता ते म्हणाले की, सत्ताधाऱ्यांनी याचा विचार करावा.
शेट्टर म्हणाले, “पक्षाला कोणताही नकारात्मक परिणाम होणार नाही याची काळजी घ्यावी लागेल. याचा परिणाम फक्त एकाच मतदार संघावर होणार नाही... उत्तर कर्नाटकातील अनेक मतदारसंघांवर त्याचा तात्काळ परिणाम होईल. किमान 20 ते 25 मतदारसंघात भाजपला नुकसान सहन करावे लागणार, असा इशाराही शेट्टर यांनी दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.