ज्येष्ठ नेते आणि माजी उपपंतप्रधान लालकृष्ण अडवाणी यांना दिल्लीतील अपोलो रुग्णालयात दाखल करण्यात आली आहे. सूत्रांनी दिलेल्या माहितीनुसार त्यांची तब्येत स्थिर असल्याचे सांगितले जात आहे.

भाजपचे ज्येष्ठ नेते अडवाणी यांचे वय ९६ वर्ष असून ते सध्या डॉक्टरांच्या देखरेखीखाली आहेत. अडवाणी यांची तब्येत गेल्या काही महिन्यांत देखील बिघडली होती, तेव्हा त्यांना एम्स रुग्णालयात दाखल करण्यात आले होते.

लालकृष्ण अडवाणी हे २००२ ते २००४ पर्यंत देशाचे उप-पंतप्रधान होते. याशिवाय १९९९ ते २००४ पर्यंत केंद्रीय गृहमंत्री म्हणून देखील त्यांनी काम केले आहे. अडवाणी यांचे भाजपच्या वाढीत मोठे योगदान राहूले आहे. इतकेच नाही तर याच वर्षी मार्चमध्ये अडवाणी यांना देशातील सर्वोच्च नागरी सन्मान भारत रत्न देऊन सन्मानित करण्यात आले आहे.