अहमदाबाद : अयोध्येत राममंदिराची उभारणी देशाच्या सन्मानाशी जोडलेली असून, प्रभू राम हे केवळ हिंदूंचे नव्हे, तर मुस्लिमांचेही पूर्वज होते, असा दावा योगगुरू रामदेवबाब यांनी आज केला.

खेडा जिल्ह्यातील नडियाद येथे पत्रकारांबरोबर बोलताना, राममंदिराचा मुद्दा मतपेढीच्या राजकारणाशी जोडलेला नसल्याचे ते म्हणाले. अयोध्येतच राममंदिर बांधावयास हवे असे सांगून, अयोध्येत नाहीतर कोठे बांधाणार, असा प्रश्‍न त्यांनी केला. अयोध्या हीच प्रभू रामांची जन्मभूमी असल्याची वस्तुस्थिती वादातीत आहे. प्रभू राम हे केवळ हिंदूंचेच नव्हे, तर मुस्लिमांचेही पूर्वज होते, असे प्रतिपादन त्यांनी केले.

दरम्यान, विरोधी कॉंग्रेसने रामदेवबाबांच्या या विधानावर टीका केली असून, त्यांचे हे विधान भाजपच्या फायद्याचे असल्याचा आरोप केला आहे.