पेट्रोलियम कंपन्यांनी नवीन घरगुती गॅस कनेक्शनच्या दरात वाढ केली आहे. यापूर्वी नवे सिलिंडरचे कनेक्शन घेण्यासाठी 1450 रुपये मोजावे लागत होते. पण आता यासाठी नागरिकांना 750 रुपये अधिक म्हणजेच 2200 रुपये द्यावे लागतील. (LPG Gas Cylinder Price Updates)
पेट्रोलियम कंपन्यांच्या वतीने 14.2 किलो वजनाच्या गॅस सिलिंडरच्या कनेक्शनमध्ये प्रति सिलेंडर 750 रुपयांनी वाढ करण्यात आली आहे. जर तुम्ही दोन सिलिंडर कनेक्शन घेतले तर तुम्हाला 1500 रुपये अतिरिक्त द्यावे लागतील. म्हणजेच, यासाठी तुम्हाला 4400 रुपये सिक्युरिटी म्हणून भरावे लागतील. यापूर्वी यासाठी २९०० रुपये मोजावे लागत होते. कंपन्यांनी केलेला हा बदल 16 जूनपासून लागू होणार आहे.
त्याचप्रमाणे 150 रुपयांऐवजी 250 रुपये रेग्युलेटरसाठी खर्च करावे लागतील. इंडियन ऑइल, भारत पेट्रोलियम आणि हिंदुस्तान पेट्रोलियमने दिलेल्या माहितीनुसार, 5 किलोच्या सिलेंडरची सिक्युरिटी आता 800 ऐवजी 1150 करण्यात आली आहे.
ग्राहक एका सिलिंडरसह नवीन गॅस कनेक्शन घेण्यासाठी गेला, तर त्यासाठी त्याला 3690 रुपये मोजावे लागतील. शेगडी घ्यायची असेल तर त्यासाठी वेगळे पैसे द्यावे लागतील. एलपीजीच्या वाढत्या किमतींमध्ये कनेक्शनच्या किमतीमुळे लोक हैराण झाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.