केरळची राजधानी तिरुवनंतपुरममध्ये सोमवारी रात्री ख्रिसमस सोहळ्यादरम्यान उभारण्यात आलेला एक तात्पुरता पूल कोसळला, त्यात अनेक लोक जखमी झाले आहेत. एका वरिष्ठ पोलीस अधिकाऱ्याने सांगितले की, अपघातात 7-8 जण जखमी झाले आहेत, त्यापैकी काहींना गंभीर दुखापत झाली आहे, तर एका महिलेचा पाय फ्रॅक्चर झाला आहे.

अधिकाऱ्याने सांगितले की, हा अपघात रात्री 9 च्या सुमारास झाला, जेव्हा अनेक लोक एकाच वेळी पुलावर चढल्याने हा पूल कोसळला. जास्त भारामुळे पूल एका बाजूला झुकला, त्यामुळे त्यावर उभे असलेले लोक खाली पडले. पोलीस अधिकाऱ्याने सांगितलं की, हा पूल नाताळच्या सेलिब्रेशनसाठी बांधण्यात आला होता. धबधबा आणि येशूचा जन्म तसेच इतर सजावट पाहण्यासाठी ही भिंत ओलांडून पलीकडे जाण्यासाठी हा पूल बांधण्यात आला होता.

पुलाची उंची सुमारे पाच फूट असल्याचे त्यांनी सांगितले. या पुलावरून काही कमीच लोक जाऊ शकत होते. मात्र अनेक जण एकत्र पुलावर चढले, त्यामुळे अपघात झाला. त्यांनी सांगितले की, जखमींना स्थानिक रुग्णालयात दाखल करण्यात आले आहे.