वफ्फ बोर्ड आणि मुस्लिम आरक्षणाच्या (Muslim Reservation) प्रमुख मागण्यासाठी काल मुंबईत चांदिवली सभास्थळी घेण्यात आली. या सभेत आज ओवैसींनी हल्लाबोल केला. या सभेतून असदुद्दीन ओवैसी (Asaduddin Owaisi) यांनी विरोधकांवर जोरदार निशाणा साधला. ओमिक्रॉनच्या पार्श्वभूमीवर मुंबईत जमावबंदी लागू करण्यात आली होती. मात्र तरी देखील असदुद्दीन ओवैसी यांनी आपली सभा घेतल्याने आता आयोजकांवर गुन्हा दाखल करण्यात आला आहे.

परवानगी नसताना AIMIM च्या कालच्या कार्यक्रमाचं आयोजन केले म्हणून ५ आयोजकावर साकीनाका पोलिसांनी गुन्हा नोंदवला आहे. यामध्ये आयोजक असलेले एमआयएमचे तालुका अध्यक्ष साबर आलम वकिल शाह, युवा अध्यक्ष नदीम शेख, एमडी नसुरूल्ला गाजीम, मोहम्मद लाल अन्सारी, अब्दुल रेहमान अब्दुल रौफ खान (मुंबई प्रवक्ता) यांच्यावर गुन्हा नोंदवण्यात आला आहे. शासकिय आदेशाचे उल्लंघन केल्या प्रकरणी हा गुन्ह नोंदवणयात आल्याची माहिती साकीनाका पोलिसांनी दिली.