नवी दिल्ली - लोकसभेत विरोधकांनी आणलेल्या अविश्वास प्रस्तावावर पंतप्रधान नरेंद्र मोदी यांनी चौफेर फटकेबाजी केली. याआधी बुधवारी राहुल गांधी यांनी लोकसभेत जोरदार भाषण करताना मै दिलसे बात करता हूं इसलिए वो दिल तक जाती है, म्हटलं होतं. त्याचा समाचार आज मोदींनी नाव न घेता घेतला.

मोदी म्हणाले की, सभागृहात दिल से बात करणे का दावा किया. त्यांच्या (राहुल गांधी) बुद्धीविषयी संपूर्ण देशाला चांगलं माहित आहे. मात्र आता त्यांचा 'दिल' देखील लक्षात आला. त्यांचं प्रेमाचं दुकान नाही, तर लुट की दुकान, त्यात तिरस्कार, घोटाळे आहे. मन काळे आहेत. परिवादाकडे अनेक दशके देश आहे. तुम्हीच एमर्जन्सी दिली. शिखांवर अत्याचार केला आहे. इतिहास विकला आहे. तुम्ही सैन्याचा स्वाभिमान विकल्याचा आरोप मोदींनी केला.

मोदी म्हणाले, सभागृहातील अनेक सदस्य गावातून, छोट्या खेड्यांमधून आला आहे. गावाचा एखादा व्यक्ती परदेशात जावून आला की, तो सतत सांगतो, मी परदेशात गेलो होते. ज्या लोकांनी कधी घराच्या कुंडीतही भाजी पिकवली नाही, ते शेती पाहिलं की चकीत होतात. जे जमिनीवर उतरलेच नाहीत. त्यांनी केवळ गाडीचा काच खाली करून गरिबी पाहिली. त्यामुळे आता सत्ता गेल्याने हैराण झाले आहेत. ते विसरून जात आहेत, की, त्यांनी देशावर अनेक दशके राज्य केलं, असंही मोदी म्हणाले.