Parliament Session: संसदेच्या विशेष अधिवेशनाचा आज दुसरा दिवस आहे. संसदेच्या नवीन इमारतीत आज सभागृहाचे कामकाज होणार आहे. तत्पूर्वी मंगळवारी सकाळी सर्व खासदार जुन्या संसद भवनात पोहोचले. येथे खासदारांचे फोटो सेशन झाले.

यादरम्यान गुजरातमधील भाजप खासदार नरहरी अमीन अचानक बेशुद्ध पडले. मात्र, काही वेळातच त्यांची प्रकृती सुधारली आणि ते पुन्हा फोटो सेशनमध्ये सहभागी झाले.

या घटनेनंतर केंद्रीय गृहमंत्री अमित शहाही तात्काळ जागेवरून उठले आणि खासदार नरहरी अमीन यांच्याकडे पोहोचले. नरहरी अमीन यांना खासदारांनी पाणी दिले. त्यानंतर त्यांची प्रकृती स्थिर झाली.

पंतप्रधान नरेंद्र मोदी, राज्यसभेचे अध्यक्ष आणि उपराष्ट्रपती जगदीप धनखर, लोकसभा अध्यक्ष ओम बिर्ला आणि इतर खासदार आजच्या संसदेच्या अधिवेशनापूर्वी संयुक्त छायाचित्र सत्रासाठी जमले होते.