नवी दिल्ली : गेल्या काही दिवसांपासून पुन्हा एकदा पेट्रोल-डिझेलच्या दरवाढीने आपलं डोकं वर काढलं आहे. गेल्या साधारण दोन आठवड्यांपासून जवळपास दररोजच 80 पैशांनी इंधनाचे दर वाढत असून सामान्यांच्या खिशाला झळ पोहोचत आहे. तेल कंपन्यांनी आज पुन्हा एकदा पेट्रोल आणि डिझेलच्या दरांमध्ये वाढ केली आहे. पेट्रोलचे दर 75 ते 84 पैशांनी वाढले आहेत तर डिझेलचे दर देखील 76 ते 85 पैशांनी वाढले आहेत. दिल्लीमध्ये एक लीटर पेट्रोल 103.41 रुपये प्रति लीटर तर डिझेलचे दर 94.67 रुपये प्रति लीटर मिळत आहे.
मुंबईमध्ये पेट्रोलची किंमत 118.41 रुपये तर डिझेलची किंमत 102.64 रुपये प्रति लीटर आहे. कोलकातामध्ये पेट्रोलचा दर 113.03 रुपये झाला आहे तर डिझेलचे दर 97.82 रुपये प्रति लीटर झाला आहे. चेन्नईमध्ये देखील पेट्रोल महागले असून 108.96 रुपये प्रती लीटर झाले आहे तर डिझेल 99.04 रुपये प्रति लीटर झाले आहे.
विरोधकांनी असा आरोप केलाय की, पाच राज्यांमधील विधानसभा निवडणुकांमुळे मोदी सरकारने तेल कंपन्यांना पेट्रोल-डिझेलच्या किंमती वाढवण्यापासून थांबवलं होतं. आंतरराष्ट्रीय बाजारामध्ये कच्च्या तेलाा भाव 112 डॉलर प्रति बॅरल पोहोचल्यानंतर रविवारी तेल कंपन्यांनी डिझेलच्या दरांमध्ये वाढ केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.