petrol.jpg 
देश

सीता, रावणाच्या देशातील पेट्रोल-डिझेलचे दर रामाच्या भारतापेक्षा कमी कसे?, मोदी सरकारनं दिलं हे उत्तर..

सकाळ ऑनलाइन टीम

नवी दिल्ली- देशात मागील दोन महिन्यांपासून सातत्त्याने इंधनाच्या दरात वाढ होताना दिसत आहे. पेट्रोल-डिझेलच्या दरात इतकी वाढ झाली आहे की, आज 10 फेब्रुवारी 2021 रोजी पेट्रोल आणि डिझेलची आतापर्यंतच्या उच्च स्तरावर विक्री होत आहे. दरम्यान, पेट्रोलियम मंत्री धर्मेंद्र प्रधान यांनी बुधवारी इंधनाच्या दराबाबत सुरु चर्चांना उत्तर देताना इंधन आपल्या ऑल टाइम उच्च स्तरावर आहे, असे म्हणणे योग्य नसल्याचे म्हटले. यावेळी त्यांनी शेजारील देशांशी होत असलेल्या तुलनेवरही भाष्य केले. 

दरम्यान, समाजवादी पक्षाचे खासदार विशंभर प्रसाद निषद यांनी धर्मेंद प्रधान यांना राज्यसभेत प्रश्न विचारला. सीता मातेच्या नेपाळमध्ये पेट्रोल, डिझेल भारतापेक्षा स्वस्त आहे. रावणाचा देश श्रीलंकेतही भारतापेक्षा कमी दर आहेत. मग रामाच्या देशातील सरकार पेट्रोल-डिझेलचे दर कमी करतील का ?, असा सवाल त्यांनी केला. 

यावर धर्मेंद्र प्रधान म्हणाले की, या देशांशी भारताची तुलना करणे चुकीचे आहे. कारण तिथे समाजातील काही लोकच याचा उपयोग करतात. केरोसिनच्या किमतीत भारत आणि या देशांमध्ये मोठे अंतर आहे. बांगलादेश, नेपाळमध्ये केरोसिन सुमारे 57 ते 59 रुपयांमध्ये मिळते. तर भारतात केरोसिनची किंमत 32 रुपये प्रति लिटर आहे. 

इंधनाचे दर ऑलटाइम उच्च स्तरावर नाहीत
धर्मेंद प्रधान यांनी इंधनाचे दर आतापर्यंतच्या सर्वोच्च पातळीवर असल्याची चर्चा खोडली. काँग्रेसचे खासदार केसी वेणुगोपाल यांनी त्यांना याबाबत प्रश्न विचारला होता. देशात पेट्रोल-डिझेलचे दर ऑल टाइम हाय आहे. परंतु, कच्च्या तेलाचे दर ऑल टाइम हाय नाही. माझ्या देशात पेट्रोल 100 रुपयांच्या जवळ पोहोचले आहे. उत्पादन शूल्क कितीवेळा वाढवले आहे ?, असे सवाल त्यांनी केला. त्यावर प्रधान म्हणाले की, आज आंतरराष्ट्रीय कच्च्या तेलाचे दर 61 डॉलर सुरु आहे. आज आम्हाला टॅक्सशी निगडीत प्रकरणे खूप काळजीपूर्वक हाताळावे लागतात. 

त्यांनी सांगितले की, मागील 300 दिवसांमध्ये 60 दिवस असे आहेत की, त्यावेळी किमत वाढवण्यात आली होती. पेट्रोलची किंमत 7 दिवस कमी केली. तर डिझेलचे दर 21 वेळा कमी केले. सुमारे 250 दिवस असे आहेत. ज्यात कधीच किंमतीत बदल केला नाही. त्यामुळे पेट्रोल-डिझेलचे दर ऑल टाइम उच्च दरावर आहेत, असे म्हणणे अतार्किक आहे. 
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Shubman Gill: भारताच्या सर्वात मोठ्या विजयासह कर्णधार गिलने मोडला गावसकरांचा ४९ वर्षांपूर्वीचा विक्रम अन् घडवला नवा इतिहास

ENG vs IND: आकाश दीपने १० विकेट्ससह विक्रम कामगिरी बहिणीला केली समर्पित! कारणही आहे खूपच भावूक

CA Result: ‘सीए’च्या अंतिम परीक्षेत छत्रपती संभाजीनगरचा राजन काबरा देशात प्रथम; १४ हजार २४७ उमेदवार पात्र ठरले

WTC Points Table: टीम इंडियाने इंग्लंडविरुद्ध दुसऱ्या कसोटीतील विजयासह उघडलं गुणांचं खातं! जाणून घ्या टीम कोणत्या क्रमांकावर

Pune Viral Video: इंजिनिअरिंगमध्ये 3 वेळा नापास, तरुणाची पुण्यातील राजाराम पुलावरून नदीपात्रात उडी, व्हिडिओ व्हायरल

SCROLL FOR NEXT