नवी दिल्ली - निवडणूकांचे वातावरण सध्या तापू लागले आहे. मतदानासाठीच्या तारखा जाहीर झाल्या असून, त्याला आता एका महिन्यापेक्षा कमी दिवस राहिले आहेत. यानिमित्त पंतप्रधान नरेंद्र मोदी यांनी लोकांना मतदार यादीत आपले नाव आहे की नाही हे तपासण्याचे आवाहन केले आहे.असे आवाहन करताना मोदिंनी ब्लॉगच्या माध्यमातून देशाच्या विकासासाठी एक मत महत्त्वाचे असल्याचे म्हटले आहे. तसेच मतदानाचा हक्क बजावण्यासाठीही जनेतेला त्यांनी आवाहन केले आहे. 

नरेंद्र मोदींनी यांच्या ब्लॉगमध्ये त्यांनी, यामध्ये मतदार यादीत नाव नोंदणी, आपले नाव मतदार यादीत आहे की नाही याची खात्री, मतदानादिवशी इतर कोणताही प्लॅन न करणे आणि इतरांनाही मतदान करण्यासाठी प्रत्साहन देणे या महत्त्वाच्या बाबी लक्षात घेण्याचे आवहन मतदारांना केले आहे.

लोकसभा निवडणुकीच्या पहिल्या टप्प्यासाठी महिन्याभरापेक्षाही कमी काळ राहिला आहे. मतदान आपल्या महत्त्वाच्या कर्तव्यांपैकी एक अशी आठवणदी त्यांनी ब्लॉगच्या माध्यातून करुन दिली आहे. 

पहिल्यांदा मतदान करणाऱ्यांसाठी तर हा सेलिब्रेशनचा दिवस असला पाहिजे. असे सांगतानाच मोदींनी मतदानासाठी सकारात्मक वातावरण तयार करण्यासाठी प्रयत्न करायला हवे असे म्हटले आहे. मतदानपत्र मिळणे आणि मतदान करणे गर्वाची सर्वांना गोष्ट वाटावी अशी वातावरण निर्मिती व्हावी असेही ते म्हणाले आहेत. 

मतदान न करणाऱ्या व्यक्तिला या गोष्टीचा पश्चाताप झाला पाहिजे.. असे वातावरण देशात असेल तर एखादी चूकीची गोष्ट समोर आल्यावर मतदान न करणारी व्यक्ती यासाठी स्वत:ला जबाबदार ठरवेल. आपण मतदान केले असते तर अशी वाईट परिस्थती आज नसती असा विचार त्याच्या मनात आला पाहिजे, असेही मोंदींनी म्हटले आहे. 

ट्विटरवर ब्लॉग पोस्ट करताना नरेंद्र मोदींनी काँग्रेस अध्यक्ष राहुल गांधी, शरद पवार, मायावती यांच्यासह अनेक दिग्गज, तरुण नेते, अभिनेते यांना टॅग करत लोकांना मतदान करण्यासाठी प्रेरित करण्याचे आवाहन केले आहे.

Loksabha 2019 : मतदार यादीत तुमचे नाव आहे का? इथे शोधा..