भुवनेश्वर, ता. २१ (पीटीआय) : भगवान जगन्नाथांबद्दल बोलताना जीभ घसरल्याने चुकीचे शब्द बाहेर पडल्याचा पश्चात्ताप म्हणून आजपासून तीन दिवस उपवास करणार असल्याचे भाजपचे नेते संबित पात्रा यांनी जाहीर केले आहे. आपल्या चुकून केलेल्या विधानाबद्दल पात्रा यांनी पुन्हा एकदा माफीही मागितली आहे.
दोन दिवसांपूर्वी पत्रकारांशी बोलताना ‘भगवान जगन्नाथ हे पंतप्रधान मोदींचे भक्त आहेत’ असे विधान संबित पात्रा यांनी केले होते. मात्र, ‘जीभ घसरल्याने’ तोंडातून विधान चुकीचे निघाल्याचे आणि ‘मोदी हे भगवान जगन्नाथाचे भक्त आहेत’ असे म्हणायचे होते, असे पात्रा यांनी लगेचच स्पष्टीकरण दिले होते आणि माफीही मागितली होती. मात्र, त्यांच्या विधानावरून ओडिशामध्ये प्रचंड वाद झाला.
मुख्यमंत्री नवीन पटनाईक यांनी पात्रा यांचा निषेध करतानाच, भाजप हा स्वत:ला भगवान जगन्नाथाच्याही वर समजतात, असा आरोप केला होता. तसेच, ओडिशाच्या अस्मितेला धक्का बसल्याचाही दावा पटनाईक यांनी केला होता. या वादानंतर संबित पात्रा यांनी आज ‘एक्स’वर पोस्ट करत उपवासाचा निर्णय जाहीर केला आहे. ‘माझ्या चुकीबद्दल मी भगवान जगन्नाथाच्या चरणाशी माफी मागतो आणि पश्चात्ताप म्हणून आजपासून तीन दिवस उपवास करतो,’ असे पात्रा यांनी म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.