फरार उद्योगपती विजय मल्ल्या याला न्यायालयाचा अवमान केल्याबद्दल आता शिक्षा सुनावण्यात आली आहे. न्यायमूर्ती यूयू ललित यांच्या अध्यक्षतेखाली रविंद्र एस भट आणि पी एम नरसिंह यांच्या खंडपीठाने हा निकाल दिला आहे. खंडपीठाने १० मार्च रोजी आपला निकाल राखून ठेवला होता. (Vijay Mallya News)

सर्वोच्च न्यायालयाने ४ महिन्यांच्या तुरुंगवासाची शिक्षा सुनावली आणि फरारी उद्योगपती विजय मल्ल्याला २००० रुपयांचा दंड ठोठावला. २०१७ मध्ये न्यायालयाचा अवमान केल्याबद्दल तो दोषी ठरला होता.

या प्रकरणी त्याच्या शिक्षेचा निर्णय़ राखून ठेवण्यात आला होता. सर्वोच्च न्यायालयाने (Supreme Court of India) २०१७ च्या निर्णयावर पुनर्विचार करण्यासाठी मल्ल्याच्या बाजूने पुनर्रिक्षण याचिका २०२० मध्ये रद्द केली होती. न्यायालयाने आपल्या आदेशांचा दाखला देत आपल्या मुलांच्या बँक खात्यामध्ये चार कोटी डॉलर ट्रान्सफर करणं हा न्यायालयाचा अपमान असल्याचं सांगितलं होतं.