अयोध्येत बांधण्यात आलेल्या राम मंदिरात (Ayodhya Ram Mandir) 22 जानेवारी रोजी प्रभू श्रीरामाच्या मूर्तीची प्राण प्रतिष्ठा केली जाणार आहे. यासाठी जोरदार तयारी देखल सुरू असून पंतप्रधान मोदी यांच्या उपस्थितीत हा सोहळा पार पडणार आहे. यादरम्यान राजकीय चर्चांना देखील उधाण आले आहे. यादरम्यान बिहार सरकारमधील एका मंत्र्यांने केलेलं एक विधान चर्चेत आहे

उत्तर प्रदेशचे माजी मुख्यमंत्री दिवंगत मुलायम सिंह ते भगवान श्री कृष्ण हे आपल्या स्वप्नात आल्याचा दावा करणारे तेज प्रताप यादव यांनी आता त्यांच्या स्वप्नात प्रभू श्री राम आल्याचा दावा केला आहे. राष्ट्रीय जनता दलाचे राष्ट्रीय अध्यक्ष लालू प्रसाद यादव यांचे ज्येष्ठ पुत्र आणि बिहारमधील नितीश कुमार सरकारमधील मंत्री तेज प्रताप यांनी याबद्दलचा दावा केला आहे. अयोध्येत 22 जानेवारी रोजी होणाऱ्या श्री राम मंदिर प्राणप्रतिष्ठा कार्यक्रमात भगवान राम येणार नाहीत असे तेज प्रताप म्हणाले आहते.

२२ जानेवारीला राम येणार नाहीत, प्रभू रामाने स्वतः माझ्या स्वप्नात येऊन तस सांगितल आहे. आयेध्येत जे सुरू आहे ते ढोंग आहे असं विधान बिहार सरकार मधील मंत्री तेजप्रताप यादव यांनी केलं आहे. निवडणुका आल्या की मंदिराचा विषय येतो, निवडणुका संपल्या की मंदिराकड कोणी बघत नाही. अशा शब्दात राम मंदिर प्राणप्रतिष्ठा सोहळ्यावरून तेजप्रताप यादव यांची भाजपवर टीका देखील केली आहे. दरम्यान स्वप्नात राम आल्याचा दावा केल्याने याच सर्वत्र चर्चा होत आहे.