जम्मू-काश्मीरच्या कुलगाम सेक्टरमधील वानपोह भागात दहशतवाद्यांनी गोळीबार केला. यामध्ये दोन बिगर स्थानिक मजूरांचा मृत्यू झाला आहे. तसेच एकजण जखमी आहे. या घटनेची बातमी कळल्यानंतर पोलीस आणि सुरक्षा दलाने परिसराला वेढा दिला आहे. मोठ्या प्रमाणात शोध मोहिम हाती घेण्यात आली आहे.

मृतांची ओळख पटली असून राजा रेशी देव जोगिंदर रेशी देव अशी त्यांची नावे आहेत. तर चुंचुन रेशी देव जखमी आहे. सर्व बिहारचे रहिवासी असल्याची माहिती सूत्रांनी दिली. कुलगामच्या वानपोह भागात दहशतवाद्यांनी मजुरांवर अंदाधुंद गोळीबार केला. या घटनेत 2 मजूरांचा मृत्यू झाला. अन्य एकाला रुग्णालयात दाखल करण्यात आले आहे.