नवी दिल्ली : ट्विटर इंडियाचा सतत काही ना काही कारणास्तव सरकारसोबत वाद सुरु आहे. एक झालं की एक अशा पद्धतीने दोघांमध्ये खटके उडताना दिसत आहेत. यातच आता आणखी एका वादाची भर पडण्याची शक्यता निर्माण झाली आहे. ट्विटरने भारताच्या नकाशासोबत छेडछाड केल्याचं दिसून येतंय. ट्विटरने आपल्या वेबसाईटवर जम्मू-काश्मीरला भारताच्या भागापासून वेगळं दाखवलं आहे. सरकारकडून या प्रकारावर पुन्हा काहीतरी कारवाई केली जाण्याची शक्यता व्यक्त केली जात आहे. मिळालेल्या माहितीनुसार, सरकार या प्रकाराबद्दल ट्विटरच्या विरोधात नोटीस जाहिर करण्याची शक्यता आहे तसेच काहीतरी मोठी कारवाई देखील होण्याची शक्यता वर्तवली जात आहे.

ट्विटरकडून जे ट्विट केलं आहे त्यामध्ये भारताच्या नकाशासोबत छेडछाड केली गेली आहे. इतर देशांसोबत मात्र कसल्याही प्रकारची छेडछाड दिसून येत नाहीये. भारताच्या नकाशामध्ये जम्मू-काश्मीरला भारतापासून वेगळं दाखवण्यात आलं आहे.