Union Budget 2022 : कर रचनेत कुठलाही बदल न झाल्यानं एकीकडे करदात्यांची निराशा झालेली असताना दुसरीकडे केंद्रीय अर्थमंत्री निर्मला सीतारामन (Nirmala Sitaraman) यांनी इन्कम टॅक्स रिटर्न (ITR) संदर्भात मोठी घोषणा केली. त्यानुसार आता इन्कम टॅक्स रिटर्न भरण्यासाठी दोन वर्षांची मुभा देण्यात आली आहे. (Union Budget 2022 Income tax returns can now be updated in two years)

जर एखाद्या करदात्यानं आपल्या वार्षिक उत्पन्नाची घोषणा करताना रिटर्नमध्ये काही चूक केली असेल तर त्या व्यक्तीला दोन वर्षात ही चूक सुधारता येणार आहे. यासाठी त्याला आपलं रिटर्न अपडेट करावं लागणार आहे. यामुळं खटल्यांची संख्याही कमी होईल. पण हा बदल करण्यासाठी संबंधीत करदात्याला विशिष्ट शुल्क भरावं लागणार आहे.