नवी दिल्ली : भारतीय लोकसेवा आयोगाने नागरी सेवा परीक्षा 2020 चा निकाल जाहीर केला आहे. एकूण 761 उमेदवारांना या निकालामधून नियुक्ती देण्यात आली आहे.
शुभम कुमारने या परीक्षेमध्ये प्रथम क्रमांक पटकावला आहे. शुभम कुमार हा आयआयटी बॉम्बेमधून बी टेक सिव्हील इंजिनिअर आहे. तर जागृती अवस्थी हिने मुलींमधून अव्वल क्रमांक पटकावला असून एकूण उमेदवारांमध्ये तिचे स्थान द्वितीय आहे. तीने MANIT भोपाळमधून बी टेक इलेक्ट्रिकल इंजिनिअरिंगचे शिक्षण घेतले आहे.
निकालानुसार, टॉप 25 उमेदवारांमध्ये 13 मुले आणि 12 मुलींचा समावेश आहे. शिफारस केलेल्या उमेदवारांमध्ये 25 व्यक्ती अपंगत्व असलेल्या (07 ऑर्थोपेडिकली अपंग, 04 दृष्टिहीन आव्हान, 10 श्रवणदोष आणि 04 अनेक अपंग) यांचा समावेश आहे. महाराष्ट्रातून विनायक कारभारी याला ३७ वा रँक मिळाला आहे.
या परीक्षेसाठी जानेवारी 2021 मध्ये लेखी आणि सप्टेंबर-ऑक्टोबर 2021 मुलाखती झाल्या होत्या. यामधून
263 जनरल
86 ईडब्ल्यूएस
229 ओबीसी
122 एससी
61 एसटी
असे एकूण 761 जण उत्तीर्ण झाले आहेत. त्यापैकी
180 आयएएस,
आयएफएस 36,
आयपीएस 200,
अ गटातील केंद्रीय प्रशासकीय सेवा 302,
ब गटातील प्रशासकीय सेवा 118
अशी निवड करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.