नवी दिल्लीः केंद्रीय लोकसेवा आयोगाच्या प्रीलिम परीक्षेचा निकाल जाहीर झाला आहेत. २८ मे रोजी परीक्षा घेण्यात आलेली होती.

नागरी सेवा पूर्वपरीक्षेमध्ये १४ हजार ६३४ विद्यार्थी उत्तीर्ण झालेले असून ते विद्यार्थी आता मुख्य परीक्षा देण्यास पात्र ठरले आहेत. त्यासाठी पुन्हा नव्याने अर्ज करावा लागणार आहे. १५ सप्टेंबर रोजी मुख्य परीक्षा होणार आहे. सिविल सेवा परीक्षेसोबत यूपीएससीने वन सेवा परीक्षेचा निकाल घोषित केला आहे.

निकाल बघण्यासाठी उमेदवारांनी upsc.gov.in या साईवर जावे. त्यानंतर होमपेजवरील सिविल सर्व्हिसेस प्रीलिम्स रिझल्ट २०२३ या लिंकवर क्लिक करावे. पुढे एक पीडीएफ फाईल ओपन होईल. त्यावर रिझल्ट बघता येणार आहे.

यूपीएससीकडून दरवर्षी नागरी सेवा परीक्षा घेण्यात येते. या परीक्षेसाठी लाखो विद्यार्थी अर्ज दाखल करतात. परीक्षेत पास झालेल्या उमेदवारांनी त्यांच्या रँकनुसार IFS, IAS, IPS आदी सेवा आणि केडर निवडण्याचा अधिकार असतो. परीक्षा तीन टप्प्यांमध्ये होते. पहिल्या टप्प्यात पूर्व परीक्षा, दुसरा मुख्य परीक्षा आणि तिसऱ्या टप्प्यात मुलाखत होते.