भव्य आणि ऐतिहासिक प्राणप्रतिष्ठा सोहळ्यानंतर आज अयोध्येतील श्रीराम मंदिर हे सर्वसामान्यांसाठी खुलं करण्यात आलं आहे. कालपासून अयोध्देमध्ये भक्तांची मोठी गर्दी उसळली आहे. यामध्ये अगदी लहानांपासून वयोवृध्दांपर्यंत सर्वांचा समावेश आहे. कालपासून या गर्दीमधील रामलल्लाच्या एका वर्षाच्या एका चिमुकल्या भक्ताने सर्वांचं लक्ष वेधून घेतलं आहे.

अयोध्येत श्री राम मंदिरात दर्शन करण्यासाठी आलेल्या महाराष्ट्रातील पुण्यातील रामलल्लाच्या एका वर्षाच्या भक्ताचा व्हिडिओ सध्या सोशल मीडियावर व्हायरल झाला आहे. काल राममंदिराच्या प्राणप्रतिष्ठा सोहळ्याच्या दिवशी कुटुंबासह आलेल्या या मुलीला प्रचंड गर्दीमुळे मंदिर परिसरात प्रवेश करण्याची संधी मिळाली नाही. आज कुटुंबाने दर्शन घेण्याचा बेत आखला आहे.

आज 'एएनआय'शी बोलताना त्या चिमुकलीच्या वडीलांनी सांगितले की, "आम्ही काल इथे (अयोध्देत) आलो. आम्हाला खूप छान वाटतंय. आम्हाला प्रचंड गर्दीची काळजी नाही, आम्हाला फक्त राम लल्लाचं दर्शन घ्यायचं आहे".

तिच्या वडिलांच्या खांद्यावर बसून टाळ्या वाजवताना व्हिडीओ व्हायरल

एएनआय या वृत्तसंस्थेने काल(सोमवारी) शेअर केलेल्या व्हिडीओमध्ये ही चिमुकली तिच्या वडिलांच्या खांद्यावर बसून टाळ्या वाजवताना दिसत आहे. मुलीच्या वडिलांनी एएनआयला सांगितले, आम्ही काल येथे आलो. आम्हाला खूप छान वाटत आहे. आम्हाला प्रचंड गर्दीची काळजी नाही; आम्हाला फक्त राम लल्लाला बघायचे आहे.

काल(सोमवारी) अयोध्येत राम लल्लाच्या प्राणप्रतिष्ठा सोहळ्याची सांगता झाल्यानंतर आज(मंगळवारी) दर्शनासाठी राम मंदिरासमोर भाविकांची मोठी गर्दी झाली. प्राणप्रतिष्ठा सोहळ्यानंतर पहाटे तीन वाजल्यापासूनच भाविकांनी रामलल्लाचे दर्शन घेण्यासाठी मोठी गर्दी केली होती. अयोध्येतील भव्य राम मंदिर आजपासून सर्वसामान्यांसाठी खुले करण्यात आले आहे.

तर या व्हिडीओमध्ये चिमुकलीने आणि तिच्या वडिलांनी मराठमोळा पेहराव केला आहे. डोक्यावर मावळा पगडी परिधान केली आहे.