दिल्लीत दोन तरुणांचा रेल्वेखाली चिरडून मृत्यू झाला आहे. हे दोघे रेल्वे रुळावर व्हिडीओ शूट करत होते. दिल्लीतल्या कांती नगर फ्लायओव्हर जवळ हा प्रकार घडला आहे.

वंश शर्मा आणि मोनू अशी या दोघांची नावं आहेत. दोघं अनुक्रमे २३ आणि २० वर्षांचे आहेत. पोलिसांनी दिलेल्या माहितीनुसार, ही घटना २२ फेब्रुवारी रोजी घडली. याबद्दल जुनी दिल्ली रेल्वे स्टेशनच्या शाहदरा पोलीस स्टेशनला माहिती मिळाली.

पोलिसांनी दिलेल्या माहितीनुसार, पोलिसांचा एक गट घटनास्थळी पोहोचला आणि दोघांचेही मृतदेह मिळवून ते शवविच्छेदनासाठी पाठवले. या दोघांचे मोबाईलही रेल्वे रुळावर सापडले आहे. हे दोघेही मोबाईलवर शॉर्ट फिल्म्स शूट करायचे. ते लाईव्ह करण्यासाठी रेल्वे रुळावर आले होते, असं चौकशीत समोर आलं आहे.