शिवपुरी - मध्य प्रदेशातील शिवपुरी जिल्ह्यातील मगरोनी पोलिस स्टेशन अंतर्गत एक अतिशय नाट्यमय प्रकरण समोर आले आहे. येथे पानघाटा गावातील एका विवाहितेने टॉवरवर चढून प्रियकराला बोलावण्याची मागणी केली. यावेळी महिलेने सुमारे 3 तास गोंधळ घातला.
मोठ्या कष्टाने पोलिसांनी तिला खाली आणले. मात्र, महिलेला टॉवरवरून खाली उतरवण्यासाठी पोलिसांना सुरक्षा आणि खबरदारीच्या दृष्टीने अनेक बंदोबस्त ठेवावा लागला. 9 सदस्यांच्या टीमने 3 तासांच्या अथक प्रयत्नांनंतर महिलेला टॉवरवरून खाली उतरवले.
मिळालेल्या माहितीनुसार, मगरोणी चौकीतील पानघंटा गावातील एका विवाहितेने गावातील पॉवर हाऊसच्या टॉवरवर चढून प्रियकराशी पुन्हा भेट घडवून आणण्याची मागणी केली. जर तिच्या प्रियकराला बोलावले नाही तर ती टॉवरवरून खाली येणार नाही. यावेळी पोलिस आणि प्रशासनाच्या अधिकाऱ्यांच्या समजूतीनंतरही महिला ठाम होती.
महिला ऐकण्याच्या मनस्थितीत नसल्याने एसडीआरएफ टीमला पाचारण करावे लागले. ती खाली उतरली तर तिच्या प्रियकराला बोलावले जाईल, असे आश्वासन महिलेला देण्यात आले. या आश्वासनानंतर महिला टॉवरवरून खाली आली. साडेतीन तासांहून अधिक काळ ती महिला टॉवरवर चढून राहिली आणि यादरम्यान खाली असलेले सर्वजण काळजीत पडले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.