JNUEE 2021 : जवाहरलाल नेहरू प्रवेश परीक्षेसाठी (JNUEE 2021) नोंदणी प्रक्रिया सुरू करण्यात आली असून परीक्षा घेणाऱ्या नॅशनल टेस्टिंग एजन्सीने (NTA) 27 ऑगस्ट रोजी सायंकाळी 5 वाजेपर्यंत JNUEE 2021 च्या परीक्षेसाठी अर्ज भरण्यास मान्यता दिलीय, तर अर्जाची फी 27 ऑगस्ट रोजी रात्री 11:50 पर्यंत भरण्यास सांगितलेय. (jnuee-2021-nta-commenced-the-registration-process-for-the-jnuee-2021-exam-will-be-held-in-september)

दरम्यान, जेएनयूईई परीक्षा 20 सप्टेंबरपासून सुरू होणार असून 23 सप्टेंबरपर्यंत ती घेतली जाणार आहे. या परीक्षेचा कालावधी 180 मिनिटांचा असेल, त्यामध्ये निवडक प्रश्न विचारले जातील. तसेच ही संगणक आधारित चाचणी असेल. या परीक्षेस बसणारे इच्छुक उमेदवार केवळ https://jnuexams.nta.ac.in ऑनलाइन अर्ज करू शकतात.

JNUEE 2021 : जवाहरलाल नेहरू प्रवेश परीक्षेसाठी नोंदणी कशी करावी?

सर्व प्रथम विद्यार्थ्यांनी नोंदणीकरिता अधिकृत वेबसाइटला https://jnuexams.nta.ac.in भेट द्यावी. त्यानंतर मुख्यपेजवरील 'जेएनयूईई - 2021 ऑनलाइन नोंदणी फॉर्म' या पर्यायावर क्लिक करावे. आपल्याला आता नवीन पेजवर निर्देशित केले जाईल, जिथे आपल्याला 'नवीन नोंदणी' पर्यायावर क्लिक करावे लागेल. ऑनलाइन अर्ज भरल्यानंतर आपल्याला वैयक्तिक व पात्रतेचा संपूर्ण तपशील भरावा लागेल. यानंतर नोंदणी प्रक्रिया पूर्ण करण्यासाठी परीक्षा शुल्क फीही भरावी लागेल. दरम्यान, या नोंदणी अर्जाबाबत कोणत्या अडचणी येत असतील, तर विद्यार्थ्यांनी 011-40759000 वरती कॉल करावा अथवा jnu@nta.ac.in वरती मेल करावा, असे सांगण्यात आले आहे.

jnuee-2021-nta-commenced-the-registration-process-for-the-jnuee-2021-exam-will-be-held-in-september