सोलापूर : सहकारी बॅंकेत नोकरीच्या (Jobs) शोधात असलेल्या इच्छुकांसाठी नोकरीची संधी. अभ्युदय सहकारी बॅंक लिमिटेडने (Abhyudaya Co-operative Bank Limited) मॅनेजमेंट ट्रेनी पदांच्या भरतीसाठी (Recruitment) जाहिरात प्रसिद्ध केली आहे. बॅंकेने जारी केलेल्या भरती जाहिरातीनुसार, व्यवस्थापन प्रशिक्षणार्थी पदांसाठी 15 रिक्त जागा काढण्यात आल्या आहेत, ज्यासाठी पात्र उमेदवारांकडून अर्ज मागविण्यात येत आहेत. तथापि, जाहिरातीनुसार, रिक्त पदांच्या संख्येत सुधारणा केली जाऊ शकते. (Recruitment of Management Trainee Posts in Abhyudaya Co-operative Bank)

इच्छुक उमेदवार बॅंकेच्या अधिकृत वेबसाइट abhyudayabank.co.in वर उपलब्ध करून दिलेल्या ऑनलाइन फॉर्मद्वारे अर्ज करू शकतील. सोमवार, 20 डिसेंबर 2021 पासून अर्ज प्रक्रिया सुरू झाली असून उमेदवार 3 जानेवारी 2022 पर्यंत अर्ज सादर करू शकतील. उमेदवारांना अर्ज सादर करताना 1000 रुपये शुल्क देखील भरावे लागेल, ते भरण्याची अंतिम तारीख देखील 3 जानेवारी आहे.

जाणून घ्या पात्रता व निकष

अभ्युदय सहकारी बॅंकेतील व्यवस्थापन प्रशिक्षणार्थी पदांसाठी केवळ तेच उमेदवार अर्ज करण्यास पात्र आहेत ज्यांनी मान्यताप्राप्त विद्यापीठातून किंवा इतर कोणत्याही उच्च शिक्षण संस्थेतून कोणत्याही शाखेतील पदवी उत्तीर्ण केली आहे किंवा CA / CFA किंवा MBA / MMS / PGDBM पूर्ण वेळ मोडमध्ये केले आहे. तसेच, उमेदवारांचे वय 1 डिसेंबर 2021 रोजी 30 वर्षांपेक्षा जास्त नसावे, म्हणजेच उमेदवारांचा जन्म 1 डिसेंबर 1986 पूर्वी झालेला नसावा आणि 1 डिसेंबर 1991 नंतर झालेला नसावा. तथापि, सरकारी नियमांनुसार SC, ST, OBC आणि NT राखीव प्रवर्गातील उमेदवारांसाठी उच्च वयोमर्यादा शिथिल आहे. अधिक तपशिलांसाठी भरती अधिसूचना पाहा.