UPSC CSE Prelims 2021: पुणे : केंद्रीय लोकसेवा आयोगातर्फे (UPSC) घेण्यात येणारी सनदी अधिकारी पदाची पूर्व परीक्षा पुढे ढकलण्यात आली आहे, अशी माहिती आयोगातर्फे देण्यात आली आहे. ही परीक्षा २७ जून रोजी होणार होती. ती आता १० ऑक्टोबरला घेण्यात येणार आहे. कोरोना व्हायरसचा वाढता प्रादुर्भाव लक्षात घेत हा निर्णय घेण्यात आला आहे. याबाबतची सविस्तर माहिती यूपीएससीच्या अधिकृत वेबसाईटवर लवकरच प्रसिद्ध करण्यात येणार आहे. (Union Public Service Commission postpones CSE Prelims 2021 to 10th October)

कोरोनामुळे जेईई, नीट, स्कॉलरशीप तसेच विविध राज्यांतील दहावी, बारावीच्या परीक्षा स्थगित करण्याचा निर्णय याआधीच घेण्यात आला आहे. गेल्या वर्षीही कोरोना व्हायरसमुळे यूपीएससीच्या वार्षििक वेळापत्रकात बदल करण्यात आला होता. काही परीक्षांच्या तारखा बदलण्यात आल्या होत्या. यंदाही परीक्षेच्या तारखांमध्ये बदल करण्यात आले आहेत. दरवर्षी जूनमध्ये होणारी पूर्व परीक्षा यंदा ऑक्टोबर महिन्यात घेण्यात येणार आहे.