पुणे : उल्ल्हासदायी वातावरण, मोजक्या भाविकांची उपस्थिती, सनई चौघड्यांचे वादन आणि विधीवत पूजा अशा प्रसन्न वातावरणात शहरातील मानाच्या पाच गणपतींसह प्रमुख मंडळांच्या बाप्पाची आज प्राणप्रतिष्ठापना झाली. कोरोना संसर्गाच्या पार्श्वभूमीवर या सर्व गणपती मंडळानी गेल्या वर्षाप्रमाणे यंदाही उत्सव साधेपणाने साजरा करण्याचा निर्णय घेतला होता. भक्तांना गणेशाचे ऑनलाइन दर्शन घेता यावे यासाठीची सोय सर्व गणेश मंडळांनी केली आहे.
कसबा गणपती :
१८९३ साली स्थापन झालेल्या मानाच्या पहिल्या श्री कसबा गणपती सार्वजनिक गणेशोत्सव मंडळाच्या श्रींची प्राणप्रतिष्ठा खासदार गिरीश बापट व त्यांच्या पत्नी यांच्या हस्ते सकाळी ११ वाजून ३८ मिनिटांनी झाली. तांबडी जोगेश्वरी गणपती :
मानाचा दुसरा गणपती असलेल्या तांबडी जोगेश्वरी गणपती सार्वजनिक गणेशोत्सव मंडळाच्या श्रींच्या मूर्तीची प्रतिष्ठापना वेदभवनचे प्राचार्य वेदमूर्ती मोरेश्वर घैसास गुरुजी यांच्या हस्ते सकाळी ११ वाजून ३० मिनिटांनी करण्यात आली. सनई-चौघड्याच्या वादनात बप्पा विराजमान झाले. १८९३ साली या मंडळाची स्थापन करण्यात आली आहे.गुरुजी तालीम गणपती :
पुण्यातील मानाचा तिसरा गणपती असलेल्या गुरुजी तालीम गणपतीचे यंदा १३५ वे वर्ष आहे. १८८७ साली या मंडळाची स्थापन झाली आहे. गुरुजी तालीम मंडळाच्या बाप्पाची प्राणप्रतिष्ठापना श्रीमंत भाऊ रंगारी गणपती मंडळाचे उत्सव प्रमुख पुनीत बालन यांच्या हस्ते दुपारी एक वाजता झाली .उत्सव मूर्तीचे हे सुवर्णमहोत्सवी वर्ष आहे. स्थिर पद्धतीने यावेळी ढोलवादन करण्यात आले.तुळशीबाग गणपती :
श्री तुळशीबाग सार्वजनिक गणेशोत्सव मंडळ हा शहरातील मानाचा चौथा गणपती. या गणपतीची स्थापना १९०१ मध्ये करण्यात आली. मंडळाच्या श्रींची मूर्तीची प्राणप्रतिष्ठापना उद्योजक युवराज ढमाले यांच्या हस्ते दुपारी १२ वाजून ३० मिनिटांनी करण्यात आली.तुळशीबाग मंदिरात गणपतीचे दर्शन घेताना भाविककेसरीवाडा गणपती :
१९०१ साली स्थापन झालेला केसरी वाडा गणपती पुण्यातला मानाचा पाचवा गणपती आहे. केसरीवाडा गणेशोत्सव मंडळाच्या वतीने परंपरेनुसार पालखीतून केसरीवाड्यात मूर्ती आणण्यात आली गेली. केसरीचे विश्वस्त रोहित टिळक व त्यांच्या पत्नी प्रणिती टिळक यांच्या हस्ते सकाळी दहा वाजता श्रींची प्राणप्रतिष्ठापना झाली. दगडूशेठ हलवार्इ गणपती :
दगडूशेठ हलवाई सार्वजनिक गणपती ट्रस्टच्या श्रींची सकाळी नऊ वाजून ४५ मिनिटांनी ट्रस्टचे अध्यक्ष अशोक गोडसे यांच्या हस्ते प्राणप्रतिष्ठापना करण्यात आली. प्राणप्रतिष्ठापना सोहळा, ‘श्रीं’चे दर्शन आणि ऋषिपंचमीनिमित्त होणारा अथर्वशीर्ष पठण सोहळा यंदा ऑनलाइन पद्धतीने घेतला जाणार आहे. . सेक्सोफोन आणि मेलिडीका वाद्यांच्या सह्याने यावेळी गणपतीची गाणे सादर करण्यात आली. कोरोनाच्या पार्श्वभूमीवर गणपतीचीही स्थापना मुख्य मंदिरातच करण्यात आली आहे. बहुरंगी आणि सुगंधी फुलांच्या सजावटीमुळे श्रीमंत दगडुशेठ गणपती मंदिराला मनमोहक स्वरूप प्राप्त झाले होते.शिवाजी रस्ता ः दगडूशेठ गणपतीच्या दर्शनासाठी भाविकांची मंदिरासमोर गर्दी केली आहे.अखिल मंडई गणपती मंडळ :
साधी सजावट, सनई-चौघड्याचे वादन करीत विधीवत पद्धतीने अखिल मंडई गणपती मंडळाच्या श्रीची दुपारी बारा वाजता प्राणप्रतिष्ठापना करण्यात आली. इंडियन मेडिकल असोसिएशनचे माजी अध्यक्ष डॉ. अविनाश भोंडवे आणि त्यांच्या पत्नी मीना भोंडवे यांच्या हस्ते हा सोहळा पार पडला. सूर्याच्या संकल्पनेवर आधारित आकर्षक फुलांची आरास मंदिरात करण्यात आली आहे. अखिल मंडई मंडळाच्या गणेशोत्सवाचे यंदा १२८ वे वर्ष आहे. न्यू गंधर्व बँडच्या पथकाने यावेळी बँड वादन केले.श्रीमंत भाऊसाहेब रंगारी गणपती ट्रस्ट :
ट्रस्टच्या श्रींची गुरुजी तालीम मंडळांचे अध्यक्ष प्रवीण परदेशी यांच्या हस्ते दुपारी १२ वाजून ३० मिनिटांनी प्राणप्रतिष्ठापना करण्यात आली. सनई चौघड्याच्या वादनामुळे निर्माण झालेल्या मंगलमयी वातावरणात हा सोहळा पार पडला. मंडळाने रंगीबेरंगी काचांच्या साहाय्याने आकर्षक अशी आरास बाप्पा भोवती केली आहे.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.