गणेशोत्सव मंडळांना बीएमसीनं मोठा दिलासा दिलाय. गणेशोत्सव आणि नवरात्रोत्सव मंडळांना व्यावसायिक जाहिराती स्वीकारण्यास महापालिकेने परवानगी दिलीय. कोरोनामुळे आर्थिक संकटात सापडलेल्या मंडळांना यामुळे दिलास मिळणारे. यासंदर्भात पालिकेनं दरपत्रक आणि नियमावली जारी केली आहे. नियमांचं पालन मंडळांना बंधनकारक असणारे. कोरोनामुळे गतवर्षीपासून सार्वजनिक मंडळांना मिळणारी वर्गणी आटली आहे. महापालिकेनकडूनही जाहिरातींवर बंदी घातली होती. त्यामुळे उत्सव आर्थिक दृष्या अडचणीत सापडला होता. गणेश मंडळांसोबतच्या बैठकीनंतर महापालिकेनं हा निर्णय घेतलाय. यानुसार मंडपांच्या प्रवेशद्वारापासून शंभर मीटरपर्यंतच्या अंतरात जाहिराती प्रदर्शित करण्यास १०१ रुपये तर 100 मीटरबाहेर प्रवेशद्वार जाहिरातीसाठी 1 हजार रुपये शुल्क आकारून परवानगी दिली जाणार आहे. रस्ते, फूटपाथवर जाहिरातीसाठी मनाई करण्यात आली आहे. तर मैदानांती मंडप शुल्कात कपात करण्यात आली आहे.