व्हॅटिकन सिटी-पोप फ्रान्सिंस यांनी  कॅथोलिक परंपरा मोडित काढत मोठा निर्णय घेतला आहे. त्यांनी सायनोड बिशपच्या अंडरसेक्रेटरी म्हणून एका महिलेची नियुक्ती केली आहे. त्यामुळे या पदावर पहिल्यांदाच एका महिलेचे निवड झाली असून तत्वप्रणालीविषयी उपस्थित होणाऱ्या प्रश्वांबाबत मतदान करण्याचा अधिकार असणाऱ्या मुख्य समितीत त्यांना स्थान मिळालं आहे. मुळ फ्रेंचच्या असणाऱ्या नॅथली बॅककार्ट Nathalie Becquart या नव्याने नियुक्त करण्यात आलेल्या दोन अंडरसेक्रेटरीपैकी एक आहेत. बॅककार्ट या 2019 पासून सायनोडमध्ये सल्लागार होत्या. 

प्रमुख चर्चच्या महत्त्वाच्या पदी महिलेची नियुक्ती झाल्याने निर्णय प्रक्रियेमध्ये अधिकाधिक प्रमाणात महिलांचा सहभाग वाढवण्याची पोप यांची इच्छा स्पष्ट होते, अशी प्रतिक्रिया सायनोडचे प्रमख सचिव मारिओ ग्रेच यांनी दिली आहे. गेल्या काही वर्षांपासून तज्ज्ञ सल्लागार म्हणून महिलांची सायनोडमधील नियुक्ती वाढली आहे. आता सिस्टर नॅथली बॅककार्ट यांच्या निवडीमुळे आणि त्यांना मिळालेल्या मताधिकारामुळे नवा दरवाजा उघडला गेला आहे, असं ते म्हणाले आहेत. 

पाकिस्तानी-खलिस्तानी अकाउंट बंद करा; सरकारचा ट्विटरला पुन्हा आदेश

सायनोडचे प्रमुखपद बिशप यांच्याकडे असते. यामध्ये काहींना मतादानाचा अधिकार असतो, तर काहींना नसतो. 2020 मध्ये सायनोडची पुढील बैठक होणार आहे. पोप फ्रान्सिंग यांनी चर्चमध्ये सुधारणांचा प्रयत्न चालवला असून त्यातूनच त्यांनी महिलांना चर्चेमध्ये महत्त्वाची भूमिका बजावण्याची संधी दिली आहे.  नॅथली बॅककार्ट यांच्यासह अंडरसेक्रेटरी म्हणून लुईस मरिन डे सान मार्टिन यांची नियुक्ती झाली आहे. 52 वर्षीय बॅककार्ट फ्रान्समधील सिस्टर आहेत. त्यांनी मॅनेजमेंटमधून मास्टर डिग्री घेतली आहे. चर्चमध्ये येण्यापूर्वी त्यांनी बोस्टनमध्ये शिक्षण घेतलं आहे.