बीजिंग : चीनमध्ये कोरोनाचा संसर्ग मोठ्या प्रमाणावर होत आहे. त्यामुळे या देशाने पुन्हा एकदा लाॅकडाऊन जाहीर केले आहे. हा लाॅकडाऊन चांगचून या उत्तर-पूर्व औद्योगिक केंद्रात लागू राहणार आहे. येथे ९० लाख लोक राहतात. चीनमध्ये (China) शुक्रवारी (ता.११) दोन वर्षांमध्ये सर्वाधिक कोरोनाचे (Corona) रुग्ण नोंदविले गेले आहे. यामुळे शांघाय आणि इतर महत्त्वाच्या शहरांमध्ये ओमिक्राॅन व्हेरिएंट वेगाने वाढत असल्याने लाॅकडाऊनसाठी प्रशासन पुढे सरसावले आहे.

मात्र मोठ्या प्रमाणावरील लाॅकडाऊनची अंमलबजावणी करण्याचे टाळले जात आहे.एक हजार रुग्णसंख्या या आठवड्यात नोंदविली गेली आहे.