लंडन - ब्रिटनमध्ये (Britain) ‘अनलॉक‘ला २३ दिवस पूर्ण झालेले असताना आणि सर्व व्यवहार सुरळीत करण्याची तयारी सुरू असताना कोरोनाबाधितांची (Corona Patient) संख्या वाढू लागली आहे. परिणामी ब्रिटनचे आरोग्य तज्ञ पुन्हा पेचात पडले असून तिसऱ्या लाटेबाबत सांशकता व्यक्त केली जात आहे. (Corona Increase in Britain)
लंडनसह देशात बुधवारी चोवीस तासात ७५४० नवीन रुग्ण आढळले. एवढ्या प्रमाणात रुग्ण आढळण्याची १०३ दिवसानंतर पहिलीच वेळ आहे. यापूर्वी २६ फेब्रुवारी रोजी ७४०१ रुग्ण आढळले होते. त्यामुळे ब्रिटनमध्ये तिसऱ्या लाटेची शक्यता वर्तविली जात आहे. २१ जूनपर्यंत अशीच स्थिती राहिली तर लॉकडाउनचे निर्बंध पुन्हा लागू होऊ शकतात, असे सांगितले जात आहे. देशभरात एक आठवड्यापासून सलग ५५०० पेक्षा अधिक रुग्ण आढळून येत आहेत. गेल्यावर्षीच्या ख्रिसमसनंतर प्रथमच सध्या एवढ्या मोठ्या संख्येने सलग रुग्ण वाढत असून ते प्रमाण ९० टक्क्यांपर्यंत वाढले आहे. आगामी दोन-तीन आठवड्यात आणखी नवीन रुग्ण आढळून शकतात, असा तज्ञांचा अंदाज आहे. दुसरीकडे रुग्ण जरी वाढत असले तरी ब्रिटनला धोका नसल्याचे काहींचे म्हणणे आहे. संपूर्ण देशात कोरोनामुळे काल सहा जणांचा मृत्यू झाला तर २२३४ जण बरे झाले.
मलेशियात लसीकरण मोहीम
क्वालालंपूर : मलेशियात आतापर्यंत ३.७ टक्के म्हणजेच ११.८ लाख नागरिकांचे लसीकरण पूर्ण झाले आहे. कोरोनावर अंकुश ठेवण्यासाठी मलेशियाने कोरोनाला १०० दिवसात संपूर्ण लोकसंख्येला म्हणजेच ३.२० कोटी लोकांना लस देण्याचे ध्येय ठेवले आहे. देशात लसीकरणाची सरासरी १.१० लाख प्रतिदिन राहिली आहे.
ऑस्ट्रेलियात अनलॉक
ऑस्ट्रेलियात कोरोनामुळे लागू केलेले निर्बंध आणि लॉकडाउन उद्या (ता.११) पासून मागे घेण्यात येणार आहेत. त्याचवेळी अमेरिकेने जपानच्या प्रवासाला मुभा दिली आहे. परंतु जपानला जाण्यापूर्वी पुनर्विचार करावा, असे आवाहन केले आहे. तसेच चीनच्या ग्वांझसू प्रांतात कोरोनामुळे सिनेमा, थिएटर आणि नाइट क्लब बंद करण्यात आले आहेत.
इंडोनेशिया, रशियातही रुग्ण आढळले
जाकार्ता/मॉस्को: इंडोनेशियात शंभर दिवसांनंतर सर्वाधिक ७७२५ रुग्ण आढळले आहेत. तसेच काल चोवीस तासात १७५ जणांचा मृत्यू झाला आहे. रशियातही चोवीस तासात १०,४०७ रुग्ण आढळले आहेत. ही संख्या मार्च महिन्यानंतर सर्वाधिक मानली जात आहे. कोरोनापासून स्वत:चा बचाव करणाऱ्या तैवानमध्येही कोरोनाचे रुग्ण आढळले आहेत. तैवानमध्ये २४ तासात २७५ रुग्ण आढळले तर २५ जणांचा मृत्यू झाला आहे. तैवानमधील मृतांची संख्या आतापर्यंतची सर्वाधिक मानली जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.