लंडन : संपूर्ण जगात झपाट्याने वाढणाऱ्या कोरोनाच्या नव्या ओमिक्रॉन व्हेरिएंटमुळे चिंतेचे वातावरण निर्माण झाले आहे. या विषाणूचा प्रसार रोखण्यासाठी अनेक देशांमध्ये पुन्हा एकदा नव्याने निर्बंध लागू करण्यात आले आहे. दरम्यान, या नव्या विषाणूमुळे पहिल्या मृत्यूची नोंद करण्यात आल्यामुळे जगाच्या चिंतेत वाढ झाली आहे. (Omicron First Death Recorded In UK) ब्रिटनचे पंतप्रधान बोरिस जॉन्सन ( British Prime Minister Boris Johnson) यांनी सोमवारी सांगितले की, ब्रिटनमध्ये ओमिक्रॉनमुळे पहिल्या मृत्यूची नोंद करण्यात आली आहे.

दक्षिण अफ्रिकेत आढळला होता पहिला रूग्ण

कोरानाचा नवा व्हेरिएंट ओमिक्रॉनचा पहिला रूग्ण दक्षिण अफ्रिकेत आढळून आला होता. (Omicron First case Found In South Africa ) त्यानंतर त्याचा प्रसार होऊन नये यासाठी अनेक देशांनी खबरदारीचा उपाय म्हणून अनेक निर्बंध कडक केले आहेत. भारतानेदेखील (Covid Protocol In India)ओमिक्रॉनचा धोका असणाऱ्या हायरिक्स देशांमधून भारतात येणाऱ्या विमानांना बंदी घातली आहे. तसेच परदेशातून भारतात दाखल होणाऱ्या प्रवाशांना RT-PCR चाचणी करण्याचे आदेश दिले आहेत.

कर्नाटकात आढळला पहिला रूग्ण

दरम्यान, ओमिक्रॉन विषाणूने आता हळूहळू पाय पसरण्यास रिरुवात केली आहे. भारतातील पहिला ओमिक्रॉनचा रूग्ण कर्नाटकात आढळून आला होता. त्यानंतर देशभरात ओमिक्रॉनच्या रूग्णांची संख्या 38 वर पोहचली आहे. यामध्ये महाराष्ट्रात 18, गुजरात 03, राजस्थान 09, कर्नाटक 03, दिल्ली 02, चंदीगड 01, आंध्रप्रदेश 01 तर केरळ मध्ये 01 रूग्णाची नोंद करण्याती आली आहे.