पश्चिम आफ्रिकेतील सेनेगलमधील (West Africa Senegal) संसदेत हिंसाचाराची घटना घडलीये. संसदेत चर्चेदरम्यान वाद विकोपाला गेल्यामुळं एका गर्भवती महिला खासदाराच्या पोटात लाथ मारण्यात आलीये.

याप्रकरणी आता दोन्ही खासदारांना शिक्षा जाहीर झाली असून दोन्ही आरोपी खासदारांना तुरुंगात टाकण्यात आलं आहे. या हिंसाचारात गर्भवती महिला खासदार बेशुद्ध झाली होती. हिंसाचार झाला, तेव्हा संसदेत (Senegal Parliament) अर्थसंकल्पावर चर्चा सुरू होती. या वादाचं रुपांतर हाणामारीत कधी झालं ते कोणालाच कळलं नाही.

दरम्यान, पोटावर लाथ मारणाऱ्या मामाडो नियांग आणि मसाता सांब या दोन खासदारांना सहा महिने तुरुंगवास भोगावा लागला आहे. सेनेगलचे खासदार मामाडो नियांग आणि मसाता सांब यांना तुरुंगात पाठवण्यात आलं आहे. या दोघांनी खासदार एमी नादिये यांच्या पोटावर लाथ मारली. नियांग आणि साब यांना नादियाला 8,100 डॉलर देण्याचे आदेश दिले आहेत. याचा व्हिडिओ समोर आल्यानंतर या घटनेचा सर्व स्तरातून निषेध होत आहे.