लंडन : एलिझाबेथ द्वितीय (Queen Elizabeth II) यांचे निवासस्थान असलेल्या विंडसर कॅसल येथील सुरक्षा व्यवस्था भेदून आत प्रवेश करणाऱ्या एका युवकाला पोलिसांनी आज अटक केली. या युवकाकडे शस्त्रही होते.

बर्कशायर येथे असलेल्या विंडसर कॅसल येथे राणी एलिझाबेथ या नाताळ साजरा करण्यासाठी आल्या आहेत. त्यांच्याबरोबर त्यांचे पुत्र युवराज चार्ल्स आणि त्यांची पत्नी कॅमिला हेदेखील आहेत. एलिझाबेथ यांच्या या हवेलीच्या परिसरात संबंधित युवक विनापरवानगी शिरला होता. सुरक्षा भेदली गेल्याचे लक्षात येताच रक्षकांनी तातडीने हालचाल करत संबंधित युवकाला तो मुख्य इमारतीत शिरण्याआधीच ताब्यात घेतले. या घटनेत कोणालाही नुकसान पोहोचले नसून संबंधित युवकाची चौकशी सुरु आहे, असे पोलिसांनी सांगितले.