Turkey Earthquake : तुर्कस्तान आणि सीरियामध्ये सोमवारी पहाटे झालेल्या 7.8 रिश्टर स्केल तीव्रतेच्या भूकंपाने दोन्ही देशांमध्ये प्रचंड हाहाकार माजवला आहे.

हेही वाचा : प्राप्तिकरासाठी निवडा तुमच्या सोयीची प्रणाली

या भूकंपामुळे आतापर्यंत 5100 हून अधिक लोकांचा मृत्यू झाला आहे, तर 21000 हून अधिक लोक जखमी झाले आहेत. या भूकंपामुळे प्रभावित झालेल्या लोकांच्या मदतीसाठी भारताने दोन विमानांद्वारे मदत साहित्य आणि वैद्यकीय पथक पाठवले आहे.

याशिवाय भारताने तुर्कस्तानमधील भूकंपग्रस्त भागात ढिगाऱ्याखाली दबलेल्या लोकांना शोधण्यासाठी विविध उपकरणे पाठवली आहेत. भारताकडून तातडीने पाठवलेल्या या मदतीबद्दल तुर्कस्तानने आभार मानले आहेत.

भारताच्या या मदतीसाठी तुर्कस्तानचे भारतातील राजदूत फिरात सुनेल यांनी भारतासाठी माझा एकच शब्द आहे, तो म्हणजे 'मित्र'. मित्र एकमेकांना मदत करतात. ही मदत म्हणजे मित्राने केलेली मदत असल्याचे सुनेल यांनी म्हटले आहे. आम्ही मित्र आहोत, म्हणून आम्ही एकमेकांना मदत करतो असे यावेळी ते म्हणाले.