देशासमोर सध्या कोरोनासोबतच म्युकोरमायकोसिस (Mucormycosis ) या नवीन आजाराच संकट उभं राहिलं आहे. कोरोनावर मात केलेल्या रुग्णांना म्युकोरमायकोसिस (Mucormycosis ) होत असून या आजाराकडे वेळीच लक्ष न दिल्यास तो जीवावर बेतू शकतो. त्यामुळे म्युकोरमायकोसिसची कोणतीही लक्षण आढळल्यास त्वरीत डॉक्टरांचा सल्ला घेणं गरजेचं आहे. परंतु, हा आजार नेमका कसा काय होतो? किंवा कोरोना रुग्णांमध्येच तो होण्याचं प्रमाण जास्त का?आहे असे अनेक प्रश्न सर्वसामान्यांना पडले आहेत. म्हणूनच अपोलो स्पेक्ट्रा रूग्णालयाचे डॉ. अलकेश ओस्वाल यांनी सकाळ ऑनलाइनशी बोलतांना म्युकोरमायकोसिस (Mucormycosis ) नेमका का होतो हे सांगितलं आहे. (why mucormycosis occurs)

दरम्यान, गेल्या काही दिवसांपासून कोरोनाग्रस्तांसोबतच म्युकोरमायकोसिस रुग्णांच्या संख्येतही वाढ होतांना दिसत आहे. त्यामुळे सध्या सर्वत्र भीतीचं वातावरण आहे. परंतु, या आजाराच्या लक्षणांकडे वेळीच लक्ष दिलं तर या आजारावर मातही करता येऊ शकते.