World Heart Day 2023 : आयुष्यात कुठलीही अडचण आली की व्यक्तीची स्ट्रेस लेव्हल वाढते. स्ट्रेस काही काळापूर्ती असेल तर तो सामान्य असतो मात्र दीर्घकाळ स्ट्रेस शारीरिक आणि मानसिकरित्या धोक्याचा ठरतो. याचा परिणाम तुमच्या हृदयावरही होतो. याबाबत तज्ज्ञ काय सांगतात ते जाणून घेऊया.

तज्ज्ञांच्या मते, दीर्घकाळा व्यक्तीस स्ट्रेस असल्यास शरीरात स्ट्रेस हार्मोन तयार होण्यास सुरुवात होते. या हार्मोनला कॅटेक्लोमाइन्स असे म्हणतात. स्ट्रेस हार्मोनला शरीरातील स्ट्रेस लेव्हल कमी करण्यासाठी अधिक ऑक्सिसजनी गरज असते. दीर्घकाळापर्यंत शरीराला जास्त ऑक्सिजनची गरज भासल्यास हृदयावरसुद्धा ताण पडतो. ज्यामुळे हृदयाच्या आकारात बदल, हृदयाचे असामान्य ठोके आणि कोरोनरी व्हेसल्स आकुंचन पावणे यांसारखे समस्या उद्भवतात.

स्ट्रेस हृदयाच्या आरोग्यासाठी धोकादायक

अभ्यासातून असे निदर्शनास आले आहे की, स्ट्रेस लेव्हल तुमच्या आर्टेरिज ब्लॉक करण्यास कारणीभूत ठरतात. शरीरात दीर्घकाळ स्ट्रेस हार्मोनची निर्मिती झाल्यास ब्लड शुगर, ब्लड कोलेस्ट्रॉल, ट्रायग्लिसेराइड्सचे प्रमाण वाढते. ज्याचा प्रभाव हृदयाच्या आरोग्यावर होतो. (Health)

इमोशनल स्ट्रेसचाही हृदयावर परिणाम होतो

इमोशनल स्ट्रेसमुळे व्यक्तीची झोप प्रभावित होते. बरेच दिवस पूर्ण झोप न झाल्यास एकाग्रता कमी होते. तसेच कामाच्या क्षमतेवरही त्याचा परिणाम होतो. यामुळे हाय ब्लड प्रेशरची समस्या वाढते. अति स्ट्रेसमुळे लठ्ठपणासुद्धा वाढतो.

एका अध्ययनातून अशी माहिती पुढे आली आहे की, स्ट्रेसमुळे ब्रोकन हार्ट सिंड्रोम हा आजार होतो. ज्यामध्ये हृदयाचा एक भाग कमकुवत होतो. ज्यामुळे हृदयाची पंपिंग पॉवरसुद्धा कमी होते.