संजयलिला भन्सालीच्या यांच्या पद्मावती चित्रपटाच्या सेटवर झालेल्या हल्ल्यामुळे पद्मावती चित्रपट आणि ते स्थान या दोन्ही गोष्टी चर्चेत आल्या.राजस्थानातील चित्तोडगढचा युनेस्कोमध्ये समावेश केला आहे. या राणी पद्मावतीविषयी आणि तिच्या जलमहालाविषयी तज्ज्ञांची वेगवेगळी मते आहे. रजपूत राणा रतनसिंग याची पद्मिनी ही सर्वांत सुंदर मानली जाणारी राणी होती. अल्लाउद्दीन खिलजीच्या कानावर पद्मावतीच्या सौंदर्याची वर्णने आली. तिला पाहण्याच्या उद्देश्‍याने तो चित्तोडगडला आला.राणा रतनसिंह याने इच्छा नसतानाही खिलजीच्या आक्रमणाला घाबरून एका आरशातून तिचे प्रतिबिंब दाखविले. ते बघून खिलजी पद्मावतीवर भाळला. तिला प्राप्त करण्याच्या आशेने चित्तोडगडावर खिलजीने हल्ला केल्याची आख्यायिका प्रसिध्द्‌ आहे. चित्तोडगढावरील पद्मिनीजलमहाल हा स्थापत्यशास्त्रातील उत्कृष्ठ नमुना मानला जातो. 
जलमहालाची संकल्पना ही पहिल्यांदा राजपूतांनी पद्मिनी जलमहाल बांधताना वापरली. राजपूतांच्या अनेक सुंदर कलाकृती येथे पाहायला मिळतात. भारतीय पुरातत्व खात्याने या सर्व ऐतिहासिक वारशांची पुन्हा डागडुजी करून त्यांचे रुपडे पालटले आहे. अशियातील मोठ्या गडांपैकी एक असलेल्या चित्तोडगढाची ही सफर. 
(छायाचित्रे : नुपूर प्रधान)