Udayanraje Bhosale esakal
खासदार उदयनराजे भोसले यांनी आज मंत्री एकनाथ शिंदे यांच्या तापोळा विभागातील दरे गावी जाऊन भेट घेतली.
कास (सातारा) : भाजपचे राज्यसभेतील खासदार उदयनराजे भोसले (MP Udayanraje Bhosale) यांनी आज राज्याचे नगरविकास मंत्री एकनाथ शिंदे (Minister Eknath Shinde) यांच्या तापोळा विभागातील दरे गावी जाऊन भेट घेतली. त्यांच्या या भेटीने राजकीय वर्तुळात चर्चेला उधाण आले आहे. नगरविकास मंत्री शिंदे व खासदार उदयनराजे हे पहिल्यांदाच एकत्र भेटत असून दोघांच्या भेटीतमध्ये नेमके काय घडले याबाबत सविस्तर माहिती कळू शकली नाही.आज सकाळी जावळी तालुक्यातील कोळघर-सोळशी गावातून खासदार उदयनराजे भोसले तराफ्यामधून एकनाथ शिंदे यांच्या दरी गावी पोहचले. या ठिकाणी एकनाथ शिंदे यांचे सुपुत्र खासदार श्रीकांत शिंदे उपस्थित होते.या तिघांमध्ये बंद खोलीमध्ये सुमारे अर्धा ते पाऊण तास चर्चा झाली. या चर्चेवेळी खोलीमध्ये कोणालाही प्रवेश दिला गेला नाही, त्यामुळे नेमकं या चर्चेत काय घडले याबाबत उत्सुकता ताणली गेली आहे.मंत्री शिंदे यांच्या दरे गावामधून निघाल्यानंतर खासदार उदयनराजे यांनी तापोळा इकडे येताना अवजड असा तराफा चालवण्याचा आनंद घेतला. त्यानंतर ते तापोळामधून राष्ट्रवादीचे दिवंगत नेते बाळासाहेब भिलारे यांच्या कुटुंबीयांना भेटण्यासाठी भिलार गावी रवाना झाले.सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.