कोल्हापूर : पूरग्रस्तांच्या विविध मागण्यांसाठी आता आम्ही चालत राहणार आहे. जो निर्णय घ्यायचा तो सरकारने घ्यावा. अन्यथा सामूहिक जलसमाधी घेऊ असा पुन्हा एकदा इशारा माजी खासदार व स्वाभिमानी शेतकरी संघटनेचे नेते राजू शेट्टी यांनी दिला.पूरग्रस्त नागरिकांच्या मागण्यांसाठी राजू शेट्टी यांची पदयात्रा प्रयाग चिखली येथून सुरू झाली आहे. पूर ओसरून दीड महिना उलटला तरीही अजून पूरग्रस्तांना भरपाई मिळाली नाही याच्या निषेधार्थ शेट्टी यांनी हे आजपासून आंदोलन सुरू केले आहे.