राकेश झुनझुनवाला यांचा जन्म ५ जुलै १९६० रोजी मुंबईत झाला. त्यांचे वडील प्राप्तिकर खात्यात अधिकारी होते. किशोर वयातच शेअर बाजारात गुंतवणूक करण्याकडं त्यांचा ओढा वाढला होता. दिवसभराच्या बातम्यांचा शेअर बाजारावर नेमका कसा परिणाम होतो, याकडं लक्ष ठेवण्याचा सल्ला त्यांचे वडील त्यांना द्यायचे, असं बोललं जातं. झुनझुनवाला यांचा शेयर बाजाराविषयीचा ओढा अधिकच वाढत गेला. सिडनहॅम कॉलेजमध्ये शिकत असतानाच, झुनझुनवाला यांनी 1985 पासून शेअर बाजारात पैसा गुंतवण्यास सुरुवात केली होती.